最新非禮方法, 請叫身邊女士們小心

1. 見到一個男人(疑兇) 貼近一個相貌唔差既女人(受害人, 廿多歲四眼ol )正後方一尺.
(當時果個車門無乜人上車, 我心諗大大個位唔企, 係要企係佢正後方做乜鬼? )

2. 受害人等車箱既人落車, 疑兇向下望, 視線一直無難開過受害人對腳.
(古古怪怪, 所以我留心上呢個人)

3. 車箱無人再落車, 受害人起步行入車箱; 同時疑兇即時一腳踩向受害人後腳.
(好似 obama 打烏蠅咁, 先觀察, 再後發先至)

4. 因受害人上車途中無向後望. 兩人行入車箱. (其實只係行兩步, 我跟住兩人入)

5. 受害人受痛向後望, 疑兇使用極到歉意既態度向受害人道歉, 同時觸摸受害人手臂超過一秒. (扮扶人?）

6. 受害人話無事, 疑兇再道歉, 再問: "真係無事?" 同時再觸摸受害人手臂超過一秒.

7. 受害人為注意力已經放係處理呢個疑兇既道歉上, 就算知到俾人摸, 亦都唔會覺得係俾人非禮, 更唔知道成件事都係疑兇策劃.

8. 疑兇上車後東張西望, 似係尋找下個目標. (只係我估o者) 疑兇最後於上車後第二個站落車.

可能有人會覺得摸下手臂好小事, 但唔排除佢有意將受害人踩跌, 再上前假意扶受害人, 以進行更多身體上既接觸.